الغباء

بما يشمل منهم من شخصيات فذه لدى هذا الصرح الرائع موضوعنا على الغباء ..من الغباء انك في الصيف تولع المكيف و تتغطى ببطانية ومن الغباء انك لما تبي تتعلم شئ تقعد تكتب فيه و ما تفهمش منه و لا حرف ومن الغباء انك لما تبي تسكر راسك على شئ تقعد اتعيط و اتهارج من غير لازم و في الاخيري انت الي خاسر و من الغباء انك لما أتكون شبعان و مليان على الأخير من الوكال يعزمك واحد تعدي تاكل و اتقول يا ريتني ما كليت و من الغباء لما أتكون منتمي لقبيلة و تنكرهم من الأساس و أتفوت عليك شقه مقنطه مع عيال عمك.. كخخخ صارت عندنا على فكرا و من الغباء لما أيقولك واحد نكته و تضحك مجاملته فيه هو أو في واحد أتعزه و من الغباء انك تتبع المثل إلي أيقول كول ما يعجبك و البس ما يعجب الناس ومن الغباء انك أتسيب الشاهي على النار و أنت قاعد تتفرج على التلفزيونو من الغباء انك لما تبي تتكلم مع بنت تقعد تتحنط عليها و أتدير في روحك انك شخصيه كوميدية مرحه و مش واحد حصله تورطت فيك البنيه و من الغباء انك لما يخيروك بين منصب و فلوس وما فيش راحة و بين شغله عطيبه و ضميرك متربح و تأخذ الشغله العطيبه إلي كيف وجهك و أتقول أهم شئ راحة البال من الغباء انك الشخص يدب من غير طموح و لا فكر و عايش على الفلسفة و القطاف الزايد..على أساس تبي توكله عيش و اتخليه ذات سخسيه روعه و ززابه " شخصيه روعه وجذابه "و من الغباء الواحد سنه اتسطر فيه لين المسكين من الالم ما يقدر يرقد في الليل و ما يعديش يتعالج يا ياخذ باندول او يحط طرف ثومه على السن الي توجعه